ფეისბუქ გვერდი “შენზეა ჩემი იმედი” დაარსდა 2017 წლის 22 სექტემბერს. ჩვენი მთავარი მიზანი იყო ღვთის სიტყვის გავრცელება, წმინდა მამათა ცხოვრებისა და მათი ნაშრომების გაცნობა ჩვენი მორწმუნე და-ძმებისთვის. გვერდზე ხშირად ქვეყნდებოდა და დღემდე ქვეყნდება ქადაგებები მოკლე
რილსების და ჩვეულებრივი ვიდეოს სახით. ასევე სხვა ბევრი სასარგებლო ინფორმაცია, რაც დაკავშირებულია ეკლესიურ ცხოვრებასთან და უშუალოდ მართლმადიდებლობასთან.
გვერდის პროექტები:
ჩვენი გვერდის ინიციატივით და კეთილი ადამიანების მხარდაჭერით დაიწერა ხატი დედა სიმდაბლისა.
,,ყოვლადწმინდა ღმრთისმშობლის ახლადდაწერილი ხატი “დედა სიმდაბლისა”, რომელზეც წარმოდგენილია ჯვარცმამდელი სცენა უფლის მიწიერი, ამქვეყნიური ცხოვრებიდან, გამორჩეულია თავისი უნიკალურობით – მას მსოფლიოში ანალოგი არ გააჩნია. ხატის შექმნის იდეა დაიბადა 2019 წელს ჯვართამაღლების ტაძარში, დაიწერა 2021 წელს.
ხატის პირველადი ვერსია (დედანი) დაბრძანებულია კათოლიკოს-პატრიარქის რეზიდენციაში, ხოლო მთავარი ასლი, რომლის მოლოცვაც ყველა მსურველს შეუძლია – თბილისის ჯვართამაღლების სატაძრო კომპლექსში (მის: თბილისი, საბურთალო, ფანასკერტელის ქ.14).
ხატის შექმნის იდეის ავტორია ჯვართამაღლების ტაძრის მღვდელმსახურური, საბა თავაძე.
ხატის ეს ვერსია კი ჩვენი შეკვეთით შეასრულა გიორგი (ელია ღვინჯილიამ) რომელიც დაბრძანებულია ქ. თბილისში, მუხიანის წმინდა ბასილი დიდის, იოანე ოქროპირის და გრიგოლ ღვთისმეტყველის სახელობის ტაძარში.
ასევე ამავე ხატმწერის შესრულებით, ჩვენი გვერდის ინიციატივითა და მადლიანი ადამიანების თანადგომით, დაიწერა წმინდა ელია წინასწარმეტყველის ხატი. რომელიც დაბრძანებულია ასევე ზემოთ აღნიშნულ ტაძარში.
არც ფეისბუქ გვერდი და არც ეს ვებ-გვერდი არ ეკუთვნის საქართველოს საპატრიარქოს!
ამიტომ, გთხოვთ, საპატრიარქოს მისამართით დასმულ კითხვებს და კათოლიკოს-პატრიარქისთვის გადასაცემ წერილებს ნუ გამოგვიგზავნით. აგრეთვე, ნუ მოგვთხოვთ ეკლესიის ოფიციალური პოზიციის გამოხატვას ამა თუ იმ საკითხზე, რადგან ეს ჩვენს კომპეტენციაში არ შედის.
2024 წლის 25 სექტემბერს გაჩნდა იდეა რომ გვერდს ჰქონოდა ოფიციალური საიტი, ჩვენი ინიციატივითა და მრავალი ადამიანის ჩართულობითა და თანაშემოწირულობით www.gwamdes.ge ოფიციალურად გაეშვა ინტერნეტ სივრცეში, რომელიც უნიკალურია თავისი ინტერფეისითა და სიმარტივით. საიტზე განთავსებულია ყველა სასარგებლო ინფორმაცია, რომელიც დაყოფილია კატეგორიებად და კონკრეტული ავტორების დასახელებებით.
მადლობა ყველას ვინც ამ ყველაფერში დაგვეხმარა,თავისი წვლილი შეიტანა და ეს მადლიანი საქმეები აღგვასრულებინა. ჩვენ პირველ რიგში ვმადლობთ ჩვენს ტკბილ უფალ იესო ქრისტეს, რომლის გარეშეც ყველაფერი არაფერია.
გვერდი კვლავ გააგრძელებს საინტერესო პროექტებს და სიახლეებს ეტაპობრივად შემოგთავაზებთ.
პატივისცემით,
საიტის ადმინისტრაცია.